Тыдзень роднай мовы ў школе
01.03.2021З 22 па 27 лютага з мэтай узмацнення матывацыі да вывучэння беларускай мовы і літаратуры, культурнай і гістарычнай спадчыны нашай краіны праходзіў тыдзень роднай мовы.
Распачаўся тыдзень падарожжам, якое пачалося са «Старонкі Роднай мовы».
У гэты дзень вучні прынялі ўдзел у дыдактычных гульнях «Дакраніся да роднага слова», «Літарынка», «Ветлівыя словы», стартаваў літаратурны рынг «Жыве ў вяках беларускае слова», пад час якога навучэнцы не толькі ўзнавілі, але і сістэматызавалі раней набытыя веды па беларускай мове, пашырылі свой слоўнікавы запас.
У гэты ж дзень на вялікіх перапынках быў арганізаваны прагляд мультфільмаў на роднай мове.
Аўторак праходзіў пад назвай «Старонка Гістарычная».
Дзень адкрыўся выставай вучнёўскіх малюнкаў на тэму «Люблю свой родны горад».
Вучні з вялікім захапленнем прынялі ўдзел у падарожжы «Мой родны горад Вілейка», асаблівую зацікаўленасць вучняў выклікала літаратурная гульня «Пад небам сінім». У ходзе вусага журнала «Мае славутыя землякі» даведаліся пра асветнікаў нашай зямлі, знакамітых паэтаў Беларусі, герояў Вілейшчыны.
На перапынках вучням быў прапанаваны прагляд відэафільмаў пра Вілейку.
У сераду, 24 лютага, падарожжа прадоўжылася («Старонка Літаратурная»).
У школьнай бібліятэцы адкрылася кніжныя выстава на тэму «Творчасць паэтаў-землякоў», прайшлі хіт-парады лепшых беларускіх часопісаў і кніжак.
Вучні прынялі ўдзел у інтэлектуальным конкурсе «Гучыць роднае слова», у ходзе якога спаборнічалі ў веданні народных прыказак, прымавак і фразеалагізмаў. Кемлівасць і знаходлівасць праявілі пад час віктарыны «Гэта трэба ведаць». Гульня «Кніга – гэта цэлы свет» сабрала самых лепшых знаўцаў беларускай мовы.
Літаратурная гасцёўня «Вясёлка вершаў» далучыла дзяцей да святыняў свайго народа – роднай мовы і беларускай нацыянальнай культуры.
У чацвер адкрылася «Старонка Музычна-танцавальная».
У гэты дзень для вучняў класаў адкрыла дзверы музычная майстэрня «Зайграй жа мне, дударочку», дзе дзеці слухалі вершы і песні на роднай мове, прымалі ўдзел у віктарынах.
На вялікіх перапынках быў арганізаваны танцавальны марафон «Самі ножкі ў скок ідуць».
У гэты дзень стартавала акцыя «Спяваем па-беларуску».
Вельмі насычанай выдалася пятніца - «Старонка Традыцыйная».
Дзень распачаўся акцыяй «Мова родная – мова модная».
Сапраўдная інтэлектуальная барацьба адчувалася на мерапрыемствах, арганізаваных класнымі кіраўнікамі ў кожным з класаў. На працягу дня былі праведзены інтэлектуальныя гульні «Лепшы бульбазнавец», «Беларускія прысмакі», конкурсная праграма «Гучы, роднае слова!», падарожжа «Беларуская скарбонка», класная гадзіна «У гасцях у казкі».
Пад час віртуальнай экскурсіі «Узоры і сімвалы маіх продкаў», якая прайшла у ГПД , вучні змаглі пашырыць свае веды аб гісторыка-культурнай спадчыне Беларусі, нацыянальных звычаях і традыцыях беларусаў.
Кожны вучань змог адчуць сваю паспяховасць і інтэлектуальныя магчымасці пад час інтэрактыўнага перапынаку «Беларускія гульні».
Фінальным акордам правядзення тыдня стала гульня «Знаўцы роднай мовы», у якой прынялі ўдзел вучні 1-2 класаў, а таксама «Турнір знаўцаў роднай мовы», дзе свае веды и эрудыцыю прадэманстравалі вучні 3-4 класаў.
Тыдзень роднай мовы прайшоў ярка і запамінальна.